شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، ئەو پەلامار مووشەکیە لەنزیک بارەگای نیشتەجیی محمد حەلبوسی سەرۆک پەرلەمان عراق وە هەڕەشەی راسییگ لەبان ئاسایش و ئارامی وڵاتەگە دانا.
سەرۆک بارزانی لەبان تویتەر نۊسان: شەرمەزار ئەو گورزە کەیمن ک دۊیەشەو کەفتە نزیک بارەگای بەڕێز محمد حەلبوسی سەرۆک ئەنجومەن نۊنەرەیل لە ئەنبار و بۊیە هووکار زەخمداری دوو مەدەنی، داوای خاسەوبۊین و عافیەت ئەرایان کەیمن.
وتیش: ئی خراوەکاریەیلە هەڕەشەی راسسیگە لەبان ئاسایش و ئارامی وڵاتەگە، و تەقەلاس ئەرا دروسکردن ئاژاوە و شیواشیو، و داوا لە گشتی کرد خوەی بگرێد و هوشدار بوون.
دیوەخان محمد حەلبوسی سەرۆک پەرلەمان عراق، لەناوچەی گوڕمە لە پارێزگای ئەنبار، دۊیەکە سێشەممە، کەفتە وەر پەلامار چوار مووشەک لەلایەن نەناسریایلیگ، ک بۊیە هووکار زەخمداری سێ مەدەنی.