شەفەق نیوز/ نێچیروان بارزانی سەرۆک هەرێم کوردستان، ئمڕوو جمعە، پرسە و سەرەخوەشی وە مردن هونەرمەن ئاشووری ئیوان ئەغاسی کرد، کە دویای زیانیگ زەرد بیماری، لە تەمەن ٧٩ ساڵە گیانی لەدەسدا.

بارزانی لە پرسەنامەیگ رەسیە ئاژانس شەفەق نیوز وت: گەرمترین سەرەخوەشی لە گەل ئاشووری و بنەماڵەی رەحمەتی پیشکەش کەم وە مردن هونەرمەند ئاشووری گەورە  ئیوان ئەغاسی کە لە ئەمریکا گیانی لەدەسدا.

وتیش: داوا لە خودا کەم گیانی رەحمەتی بخەێدە وەر بەرزەیی، و سەبووری دڵ بنەماڵەی و گشتی بەێد، وتیش: هونەرمەن ئیوان ئەغاسی خزمەتەی گەورەیگ وە هونەر ئاشووری پیشکەش کرد، و وە کارەیل رەنگینی هەر وە نەمری مینێد.

پیرەکە چوارشەممە، هونەرمەن ئاشووری لە بنچینەی فارس ئیوان ئەغاسی لە تەمەن ٧٩ ساڵە، دویای زیانی وەرد بیماری، لە ئەمریکا گیانی لەدەسدا، و ئی هونەرمەندە وە یەکیگ لە ناودیارترین هونەرمەنەیل مەسیحی لە عراق و سوریا و ئیران دانریەێد.