شەفەق نیوز/ ئمڕوو یەکشەممە، نێچیروان بارزانی، سەرۆک هەرێم کوردستان، وەبوونەی یاد (٥٠) ساڵڕووژ و یۆبیل تەڵایی یەکێتی نیشتمانی کوردستان، تەلەگرامیگ پیرووزبایی ئەرا بافڵ تاڵەبانی سەرۆک یەکێتی نیشتمانی کوردستان کلکرد.
نێچیروان بارزانی، سەرۆک هەرێم کوردستان لە تەلەگرامەگەی وت: "یەکێتی نیشتمانی کوردستان میژوو پەنج دەیەی خەبات و وەرخودان، شایستەی رێز و پیزانینە".
وتیش: " دووپات لە ئامادەبوون یەکێتی نیشتمانپی کوردستان و رۆڵ گرنگی لە پرۆسەی سیاسی هەرێم کوردستان و عراق کەیمن".
سەرۆک هەرێم ئومید خوەی نشان دا کە "ئی بوونە بوودە هاندەریگ هازدار ئەرا قویلکردن یەکڕزیی نیشتمانی و یەکڕزیی ناوەین گشت لایەنە سیاسییەیل و پێکهاتەیل کوردستان ئەرا نواگیریکردن سەختیەیل، هەمیش وەیەکەو کارکردن ئەرا مقیەتیکردن دەسکەفت و مافە دەستوورییەیل هەرێم کوردستان و دەسەوەرکردن بانانیگ خاستر ئەرا خەڵک کوردستان".