شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، پیروزبایی لە شێخ محمد بن زاید ئال نهەیان کرد، وە بونەی هەڵبژاردنی وە سەرۆک دەوڵەت ئیمارات.   

سەرۆک بارزانی لە پیروزبایی وت: پیروزبایی و موبارەکی ئەرا برای نازارم خاوەن پایەداری شێخ محمد بن زاید ئال نهەیان کەم ئەرا هەڵوژاردنی وە سەرۆک دەوڵەت ئیمارات عەربی یەکگردگ، داوای سەرکەفتن لە ئەرکەیلی کەم، و ئەرا گەل ئیمارات داوای وەردەوامی ئاسایش و خوەشگوزەرانی لەسای سەرکردایەتی دانای کەم، و لە هاوکاری و کار هاوبەش فرەیگ لەناوبەینمان نووڕم.  

ئەنجومەن باڵای یەکێتی لە ئیمارات، محمد بن زايد وە سەرۆک نوویگ ئەرا وڵاتەگە پەسەن کرد، لە پشت زڕبراگەی شێخ خەلیفە بن زاید ک دویەکە جمعە دویاکووچی کرد.