شەفەق نیوز/ نێچیرڤان بارزانی سەرۆک هەرێم کوردستان، ئمڕوو دووشەممە، جەخت کرد لە گرنگی داناین یاسایگ ئەرا سزادان ئەوانەگ دەسیان هاناو ئەو ژینووسیایدە ک ریخریاگ داعش لە عراق جیوەجییان کرد، و ئاماژە کرد ک قوربانییەیل چەوری ئەنجامدان داد کەن.

نووسینگەی راگەیانن سەرۆکایەتی هەرێم لە بەیاننامەیگ رەسیە ئاژانس شەفەق نیوز وت: بارزانی پێشوازی لە وەرپرس تیم ناودەوڵەتی سەروە نەتەوە یەکگرتگەیل کرد ک تایبەتە وە باوەت رەسین وە بندروس تاوانەیل داعش، وەبۆنی دویا ئەرکەیل کارەگەی.

وتیش؛ بارزانی باس لە سوپاس خوەی ئەرا خزمەتەیل تیم ناودەوڵەتی لەماوەی کارەیلی کرد، لە گردەوکردن بەڵگەیل لەبان کردەوە و تاوانەیل داعش، و ئومیدخوازی ک ئەرکەیل نووی لە بانکەشەکار گشتی لە دادگای ناودەوڵەتی ئەرا تاوانەیل سەربکەفێد.

نووسینگەی راگەیانن دیاری کرد ک هەردوگلاگە رێک کەفتن ک سزادان تاوانبارەیل پەیام گەپیگە ک ئەرا گشت تاوانکارەیل لە هەر شوینیگ کلی کریەێد، ئەراوە وتن ک گرنگە یاسایگ ئەرا سزادان ئیجوور تاوانەیلیگ لە عراق و هەرێم کوردستان بوود.

وتیش؛ هەردوگ لایەنەگە دووپات کردن ک قوربانییەیل لە گشت پێکهاتە عراقییەکان، چەوەڕی ئەنجامدان داد کەن، و نێگەرانی خوەیان لە مەنین مەترسی و ژینگەی بڵاوبوین توندڕەوی نشان دان، و بایەدە وەڕاسیەو کار لەبان ئی مەترسیە لە لایەن پەروەردە و رووشنهویری بکریەێد.