شەفەق نیوز - هەولێر

نێچیرڤان بارزانی، سەرۆک هەرێم کوردستان، ئمڕوو یەکشەممە، دووپات کرد کە بایەسە پەیوەندییە دوو لایەنەیل لە ناوەین عراق و ئیسپانیا هازدار یکریەێد.

ئەوەیش لە پیشوازیکردنی لە عەلی شەمەران، باڵیۆز نوو عراق لە ئیسپانیا، وەپای بەیاننامەیگ کە لە سەرۆکایەتی هەرێم دەرچگ.

سەرۆک نێچیرڤان بارزانی، لە دیدارەگە، دووپات گرنگی هازدارکردن پەیوەندییەیل عراق و هەرێم کوردستان کرد وەگەرد ئیسپانیا و گەشەپیدانی وە شیوەیگ کە خزمەت وە بەرژەوەنی گشت لایەنەیل بکەێد.

لە لای خوەییشەو، باڵیۆز عراق لە ئیسپانیا خوەشاڵی خوەی نشان دا وە دیدار سەرۆک هەرێم کوردستان، و رۆڵی لە ناوچەگە بەرز نرخان، و دووپات کرد لە جیوەجیکردن تەقەلایەیل ئەرا فراوانکردن ئاسوویەیل هاوکاری ناوەین عراق و هەرێم کوردستان وەگەرد ئیسپانیا وە شیوەیگ فرەتر.

دیدارەگە باس لە رەوش گشتی لە عراق کرد، و دۊایین پیشهاتەیل لە ناوچەگە، وەگەرد ریەیل هازدارکردن پەیوەندییەیل وەگەرد ئیسپانیا لە گشت بوارەیل، وەپای بەیاننامەگە.