سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەناو ئەو دیدارە ک شاند سەرۆک ئەمریکا ئەرا کاروبار بینا ژیرینەیل جەهانی ئاکوس هوکستاین و خانمە باڵیۆز ئەمریکا لەلای عراق ئەلینا رۆمانتیکی ئاماۆەی بوین، باس دویاترین نووەوبویەیل لە عراق و پەیوەندیەیل ناوبەین ئەمریکا و عراق و هەرێم کوردستان وەگەرد پەیوەندیەیل هەولێر و بەغدا و شیوەیل چارەکردن گرفتەیل، و هەمیش باس رەوشەیل ناوخوەیی لە هەرێم کوردستان و وەیەککردن هیزەیل پیشمەرگە کریا. 

بەیاننامەگە وتیش: مامگۆرک دووارە دووپات لە وەردەوامی پاڵپشتیکردن ئەمریکا لە عراق و هەرێم کوردستان کرد و ئارەزوو وڵاتەگەی لە فراوانکردن پەیوەندیەیل ناوبەین بەغداد و هەولێر و فراوانکردن هاوکاری لە چینەیل وەتایبەت لە چین ئاسایش وزە.

 لەلای خوەییش، نێچیروان بارزانی وە هویردی باس رەوش عراق و هەرێم کوردستان و تەقەلای چارەکردن گرفتەیل کرد، و دووپات کرد ک وەگەرد دروسکردن حکومەت فیدڕاڵی نوو، دەرفەت ئەرا چارەکردن گرفتەیل گیرهاتگ لە بنەمای دەستوور و فیدڕاڵی هاتە دەر، و هەرێم کوردستان ئامادەس ئەرا گشت شیوەیل هاوکاریکردن لەی باوەتە.

 بەیاننامەگە لە کۆتایی وت: گرنگی کار هاوبەش ئەرا مقەیتیکردن ئارامی و دویاترین نووەوبویەیل لە ناوچەگە وە گشتی و ئەو باوەتەیل ک گرنگی لەلای هەردوگ لایەنەگە باسەیل ناو ئەو دیدارە بوین کەبڕیگ لە وەرپرس و راویژکارەیل لە هەردوگ لا  ئامادەی بوین.