شەفەق نیوز/ سەرۆک هەرێم کوردستان نێچیرڤان بارزانی، ئمروو پەنجشەممە، گفتوگو وەگەرد بالیۆز سویسرا لە عراق و ئوردن لوکاس گاسەر کرد، و باس بڕیگ لە گرفتەیل ناوخوەیی لەمابەێنیان و رەوشەیل سیاسی ولاتەگە کرد.
وەگورەی بەیاننامیگ لە سەرۆکایەتی هەرێم، ئمڕوو شەوەکی سەرۆک بارزانی وەگەرد گاسەر و شاندەگەی یاوەری گردەو بۊین.
لەناو کۆبۊینەوەگەوەگە باس لە پەیوەنی ناوبەین عراق و هەرێم کوردستان وەگەرد سویسرا کریا و ئەرا ئەوە هەردگ لایەنەگە دووپاتکردن لە گرنگی وازکردن باڵوێزخانە لە بەغدا و گفتوگو کردن لەباوەت بارودۆخ پرۆسەی سیاسی و رەوشەیل عراق وە شیوەی گشتی.
هەردگ لایەنەگە هاوڕابۊین ک فرە نەتەوەیی و فرە ئایینی لە عراق دەوڵەمەنییە، گرنگە عراقیەیل ئەرا لە پرۆسەی سیاسی لە وڵاتەگە برەسنە لەیەکفامستن هاوبەشیگ، حکومەت ئایندە و پرۆسەی سیاسی گشتی کۆمەڵگە لە خزمەت سەقامگیری سیاسی، و بەرژەوەنی عراق، گشت لایەنیگ وە ئاست ئەرکەگە بوود.
سەرۆک بارزانی دووپاتکرد لە گرنگی دەستەوەرکردن سەقامگیری سیاسی لە عراق رییگ ئەرا کارەیل هاوبەش پەیابکریەێد ، چارەسەر گرفتەیل مابەێن هەولێر و بەغدا ک ئیرادە و بڕیار سیاسی خوازێد، پابەندبۊین وە دەستووریگ ک مانای فیدرالی بۊین بچەسپنێد، کۆمەڵگەی ناودەوڵەتیش لە پشتیوانیکردن عراق وەردەوام بوود.
باوەت رەوشەیل ناوچەگە وە گشتی، پەیوەندیەیل عراق و هەرێم کوردستان وەگەرد وڵاتەیل هاوسای و ناوچەگە و وەگەرد چەن پرسیگ جی گرنگی هاوبەشن تەوەریگتر بۊی لە دیدارەگە.