بارزانی لە بەیاننامەیگ راگەیان، وە ئەوپەڕی شکۆ زیاتر لە 182 هەزار شەهید پاک ئەنفال تێریمنە هویرەو، سەر رێز لەنوای گیان پاکیان چەمنیمن و سەڵام لە خێزان و کەسوکار سەربەرزیان کەیمن، لەی یادە دووپاتیکەیمن، حکوومەت عراق بایەت کەسوکار ئەنفاکریاگەیل لە گشت رویەگەو قەرەبوی بکەێد بڕیار دادگای باڵای تاوانەیل عراق جیوەجی بکەێد ک ئەنفال وە جینۆساید و تاوان دژ مرۆڤایەتی و تاوان جەنگ ناسان، لە هەرێم کوردستانیش هەرچە لە توانابوی بایەت خزمەت بکریەن و بایەخ و گرنی زیاتر وەپی بیریەێد.
وتیش، قەوارەی دەستووری هەرێم کوردستان، بەرهەم خەبات کوشانکردن سەدان هەزار شەهید تاوان سامناک جویر ئەنفالەگان و کیمیاواران و قوربانیدان میلەت کوردستانە، لەی یادە با یەکڕزی و تەبایی و کار هاوبەش ئەرا مقیەتیکردن دەسکەفت و مافەیلمان، رێز لە گیان و یاد شەهیدەیل بنێن، هەمیش بایەت گشت تەقەلایگ بیەیمن تا ئەنفال لەبان ئاست ناودەوڵەتیش زیاتر وە جینۆساید بناسریەێد و هەرگیز لە هویچ شوینگ جەهان تاوانیگ وەیجویرە دوارە نەوود.