سەرۆکایەتی حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک حکومەت ئەوەسا لەناو کارەیل دیدارەگە زنجیرەی گردەوبوین وەرد سەرکردەیل سیاسی و خاوەن کاروباریل ئەنجام دەێد، لەناویان باس بڕیگ باوەت کەێد هەمەڕنگی ئابووری و خزمەتگوزاری بانکی وەگەرد باسەیل پەیاکردن بازاڕەیل نوویگ ئەرا بەرهەمەیل کشتوکاڵی هەرێم کوردستان، و دەرفەتەیل بارزگانی هەرێمی وەبان هەرێم کوردستان.
هەمیش رووشنایی خریەێدە بان بەرهەمهاوردن لە کانزا و نەفت و گاز و وزەی نووەوبوی، وەگەرد باسکردن لە نووەوبویەیل ئەمنی و سیاسی لە عراق و ناوچەگە، و ئاڵشتبوین کەشوهەوا و نواگیری هشکەساڵی، هەمیش باس ئەنجامەیل دیدار داڤوس لە ساڵ گوزەشتە.
بەیاننامەگە وتیش: ئەو دیدار و گردەوبیونەیلە ک سەرۆک حکومەت وەگەرد بڕیگ لە بەرهەهاورەیل و نوینەرەیل دەوڵەتەیل خەلیج لە دیدار داڤوس 2022 رەسیە سەرکەفتن وە هەناردەکردن بەر ئەنار کوردی ئەرا چەن دەوڵەتیگ خەلیجی، و هیمان وەردەوامە.
هەمیش گردەوبوینەیل سەرۆک حکومەت لە خول وەرین دیدارەگە، رەسیە رێککەفتن ئەرا وەدەسهاوردن هەماهەنگی و هاوکاری زیاتر وەگەرد بڕیگ کۆمپانیای راویژکار و دەوڵەتەیل جەهان، وەتایبەت دەوڵەت ئیمارات ئەرا هەڵسیان وە جویراجویر کەرتەیل حکومەتی لە هەرێم کوردستان، لەلیان سیستەم بانکی و دارایی، و قایمکردن بەرهەمهاوردن بیگانە، و ئاڵشتبوین ئەلیکترۆنی لە دامودەزگایل حکومەت هەرێم کوردستان و هەمەڕەنگی داهاتەیل.