شەفەق نیوز/ محمد سلێمان سەرۆک دانیشن یەکەم لە پەرلەمان کوردستان لە خول شەشەمی کە وە سەرۆک تەمەن ناسیاس، ئمڕوو یەکشەممە، داوای دانیشتن دویەم کرد ئەرا هەڵوژاردن دەسەی سەرۆکایەتی پەرلەمان.

سلێمان لە بەیاننامەیگ رەسیە ئاژانس شەفەق نیوز داوا لە ئەندامەیل پەرلەمان کوردستان کرد لە رووژ سێشەممەی ئایندە 2024/12/10 لە ساعەت (11:00)ی شەوەکی بانە هۆڵ پەرلەمان ئەرا هەڵوژاردن سەرۆکایەتی پەرلەمان.

لە سەرەتای مانگ کانوون یەکەم، پەرلەمان هەرێم کوردستان یەمەن دانیشتنەیلی لە وەرز یاسادانان نووی ئەنجام دا، وە ئامادەبوین وەرپرسەیل سیاسی و دیبلۆماسیەیل.

پەرلەمان دەر کاندیدکردن ئەرا سەرۆکایەتیی پەرلەمان واز کرد، وەلێ لەوەر ناتەواوی شمارەی ئامادەبویەیل بڕیار دا وە واز بیلێدەی.

پارت دیموکرات کوردستان دوو کاندید ئەرا دەسەی سەرۆکایەتی پەرلەمان پیشکەش کرد، هەرلە فالا فەرید، و هەڵگورد شێخ نەجیب، و یەکێتی هەمیش دوو کاندید پیشکەش کرد، هەرلە شاڵاو کۆسرەت رەسول و میران محمد، و نەوەی نوێ تەنیا کردەوان جەماڵ کاندید کرد.