شەفەق نیوز - هەولێر
سەرۆکایەتی هەرێم کوردستان، ئمڕوو چوارشەممە، وە تونی شەرمەزار پەلاماردان کۆنسوڵخانەی گشتی دەوڵەت کوێت لە پارێزگای بەسرە کرد، و دووپات کرد دەسبردن ئەرا ئەمنییەت کلکریایە دیپلۆماسییەیل ئامانجگردن راستەوخوەی سەروەری عراقە.
سەرۆکایەتی هەرێم لە بەیاننامەیگ، هاوخەمی "تەواو" خوەی وەگەرد کوێت نیشان دا، و دووپاتکرد لە هەوەجەی جیوەجیکردن وەرپرسیارێتییەیل حکومەت فیدڕاڵی لە مقیەتیکردن کلکریایە دیپلۆماسییەیل و وەشوینکەفتن تاوانبارەیل.
ئی هەڵوێستە دویای ئەوە هات ک دەیان خوەنیشاندەر تویڕەی مەردم بەسرە لە باشوور عراق، پەلامار کۆنسوڵخانەی کوێت لە پارێزگاگە دان جویر ناڕەزایەتییگ دژ وە ئامانجگردن ماڵیگ لە خور زوبێر لە قەزای سەفوان، ک پەنج چەکدار سەر وە لایەنیگ چەکدار لەناوی بوی گشتیان کوشیان.