شەفەق نیوز/ سەرۆکایەتی هەرێم کوردستان، ئمڕوو دووشەممە، راگەیان ئەنجامەیل کۆبونەوەی فراوانیگ وە ئامادەبوون سەرۆکایەتیەیل هەرێم وەگەرد سەرۆک عراق لە هەولێر. 

بەیاننامەیگ لە سەرۆکایەتی هەرێم رەسیە ئاژانس شەفەق نیوز وت: کۆبونەوەگە باس لە پشتگیریی ئەرا گامەیل حکومەت و دامەزراوە دەستوریە فیدڕاڵیەگان کرد لە مقەیەتی ئەمن و ئارامی وڵاتەگە و زەمینەسازی ئەرا کار و ئەرکەیل نۆێنەرایەتیە بیگانەگان.

هەمیش گردەوبویەگان باس لە پشتگیری کردن ئەرا ئەنجامدان هەڵبژاردن زوینە لە وڵاتەگە، وهەمیش باس رەوشەیل ناوچە دابڕیایەگان کردن.

بەیاننامەگە هەمیش وت، کۆبونەوەگە باس لە پشتگیریی ئەرا گامەیل دویایین حکومەت عراقی کرد لە هاوردنەوەی رەوشەگان ئەرا سروشت خوەیان لە شەنگال و چگنەوەی ئاوارەگان، وهەمیش گشت تەقەلایل ئاڵشتکردن دیمۆگڕاڤی لە ناوچە دابڕیایەگان، وداوا لە حکومەت فیدڕاڵی کرد لە داناین میکانزمیگ ئەرا ئاسایش و ئارامی ئەو ناوچەیلە.

لە تەوەریگ تر، کۆبونەوەگە باس لە گامەیل گفتوگۆەگان لەناوبەین بەغداد و هەولێر کرد، وباس لە پشتگیریی ئەرا تەقەلایل هەردوگلاگە کرد ئەرا چارەسەکردن گرفتەگان وەشیوەیگ یەکجاری، و وە جووریگ بوود ک مافەیل دەستوری هاووڵاتیەیل هەرێم کوردستان وعراق وەگشتی دابین بکەێد.

هەمیش کۆبونەوەگە باس لە رەوشە ناوخۆیەگان لە هەرێم کرد، و سەختیە جهانیەگان لەوەر بڵاوبوین ڤایڕۆس کۆڕۆنا وکاریگەریەگانی، هەمیش باس لە قەیرانە دارایەگە کریا، و گردەوبویەگان دووپاتکردن لە گرنگی وەپشتسەرناین ئی قۆناغه و مقەیەتی بەرژەوەنی هاووڵاتیەیل کوردستان، و گرنگە ک گشت لایەنەگان توانایلیان وەکار بارن و هەڵوێستیان بکەنە یەک ئەرا نواگردن ئی رەوش ناسکە و گاریگەریەیل دویارووژی.

هەمیش کۆبونەوەگە شەرمەزار کوشتن غازی ساڵح ئەلیخان کرد ئەفسەر ئاسایش لە سنور پارێزگای دهۆک.