شەفەق نیوز - هەولێر
قسەکەر سەرۆکایەتی هەرێم كوردستان، دڵشاد شەهاب، ئمڕوو دووشەممە، دووپاتکرد پەیوەنیەیل ناوەین هەرێم کوردستان و بەغدا نایابن و وەرەو نواچگن زیاتریگ گامنەن، دیاریکرد عراق وە قۆناغ هەستیاریگ رەدبوود و ئیرنگە رویوەروی دوو قەیران تون بوود.
شەهاب لە کۆنگرەیگ رووژنامەوانی ک ئاژانس شەفەق نیوز ئامادەبوی وت: "عاق لە ئیرنگە رویوەروی دوو گیچەڵ گەورە بوود، یەکەمیان پەیوەنی وە لایەن ئابووری تایوەت وە هەناردەکردن نەفت عراق لە تەنگەی هۆرمز دیرێد، کە ئێ قەیرانە لەدویای هیزگردن جەنگ ناوەین ئیران وەلایگ و ئەمریکا و ئیسرائیل وەلایەگترەک دروسبوی، هیشت وڵاتەگە بکەفێدەوەر ئاڵنکاری دارایی".
وتیش؛ "دویەم گیچەڵ دۆسیەی چەکەیل بیسەروبەرە لای کۆمەڵە چەکدارەیلە کە چوین چارەسەر بکرێد" ئاشکراکرد "عراق وە بارودۆخ فرە هەستیاریگ رەدبوود مەوقەی چارەسەرکردن ئێ دوو قەیرانە، بەرگە گیچەڵ ترەک نیەگرێد".
قسەکەر سەرۆکایەتیەگە وتیش "بەشداری سەرۆک هەرێم کوردستان نێچیروان بارزانی لە کووبوینەوە هاوپەیمانی وەڕێوەبردن دەوڵەت لە بەغدا، چەسپان هەرێم لە گشت ئامادەباشیگە ئەرا پێشکەشکردن گشت جویر پشتگیری و دەسمیەتیگ وە حکومەت عراقی ئەرا رەدکردن ئێ دوو بەربەستە،" دیارکرد "حکومەت نوو زەیدی کار ئەرا چارەسەرکردن کێشەیل ناوخۆیی و دۆسیەیل هەڵپەسێردراو وەرد هەرێم کەێد، و ئیرادەیگ راستەقینە ئەرا چارەسەرکردن هەس بی هویچ تەقەلایگ ئەرا مەنستن قەیرانەیل وە وازیی."
لە کۆتایی قسەیلی وت: "هەرێم کوردستان لە گوزەشتە و تا ئیسەش پاڵپشت و دەسمیەتیدەر گشت هەمەیلی بویە کە حکومەت عراق وەراو چاکسازی و چارەسەر گیچەلەیل گرێدەوەر، و سەرۆک هەرێم ئامادەس ئەرا پیشکەشکردن گشت دەسمیەتیگ لەی چوارچمگە".