شەفەق نيوز - هەولێر
سەرۆکایەتی هەرێم کوردستان، ئمڕوو سێشەممە، شەرمەزار ئەو پەلامارەیلە کرد کە رەسینە کێڵگەیل نەفتی "خورمالە" و "سەرسەنگ"، و داوا لە حکومەت فیدراڵی کرد ریکارەیل زویوەزوی جیوەجی بکەێد ئەرا نواگیریکردن دووارەبوینیان.
سەرۆکایەتی هەرێم کوردستان و لە بەیاننامەیگ ئمڕوو وت: وەزبری شەرمەزار ئەو پەلامارەیلە کەیمن کە وە فرۆکەیل بێفڕۆکەوان لەبان دامەزراوەیل نەفتی دویەکە و ئمڕوو لە ناوچەیل خورمالە و سەرسەنگ جیوەجی کریەن.
وتیش: بایەسە حکومەت فیدڕاڵی عراق گشت ریکارەیل زویوەزوی و گرنگ ئەنجام بەێد ئەرا نەهیشتن دووارەبوین ئی پەلامارەیلە، و ئاشکراکردن ئەو لایەنەیلە کە هانە پشتیان و سزادانیان.
سەرۆکایەتی کوردستان وتیش: ئی پەلامارەیلە سەروەری وڵات و ئاسایش ناوخوەیی و دەرەکیی خەێدە رخباری، و هەڕەشەی ئارامی نیشتمانی دەێد.
دویەشەو دووشەممە، و شەوەکی ئمڕوو سێشەممە، کێڵگەیل خورمالە و سەرسەنگ لە پارێزگایەیل هەولێر و دهۆك کەفتنە وەر پەلامارەیلیگ جیاجیا وە سێ فرۆکەی بێفڕۆکەوان بومبی، زەخمداری لەلییان نەویەو، وەگورەی راگەیانن وەزارەت سامانەیل سروشتی لە هەرێم کوردستان.