شەفەق نیوز/ نێچیروان بارزانی سەرۆک هەرێم کوردستان، ئمڕوو سێسەممە، وەگەرد هاوسەرۆک وەسەرکردایەتی یەکێتی نیشتمانی کوردستان کۆبونەوە کرد.

 سەرۆکایەتیەگە لە بەیاننامەیگ رەسیە ئاژانس شەفەق نیوز وت: لەو کۆبونەوە ک هەردوگ جیگیر سەرۆک ئامادەی بوین، وەگەرد دووپاتکردن لەبان گرنکی کار هاوبەشی لەناونی گشت هێز و لایەنە سیاسییەکان وەپێکهاتەیل لە هەرێم کوردستان وەخاتر مسۆگەرکردن و مقەیەتیکردن ماف و بەرژەوەنیەیل باڵای هەرێم کوردستان و ئیسە و قۆناغەیل دویارووزی کریا، سەرۆک نێچیروان بارزانی جەخت لەبان وەرپرسایەتی و دەورە دیارەگەی  یەکێتی نیشتمانی کوردستان و کاریگەریی لە یەکگردن رزەگە و پشتگردن لە کار سیاسی و حکومڕانی لە هەرێم کوردستان و لە ئاست عراق کرد.

لەلای خوەییش، وەگەرد پیرووزکردن، هەردوگ هاوسەرۆک یەکێتی نیشتمانی کوردستان باس لە گشت پشتکیرییگ لەلایەن یەکێتی نیشتمانی ئەرا تەقەلایل و گامەیل نێچیروان بارزانی سەرۆک هەرێم کردن ئەرا لەناوبردن ناکۆکیەکان و وەدەسهاوردن یەکێتی قسە و هەڵوێست و رزەگە لەناونی هێزە سیاسیەکان و پێکهاتەیل کوردستانیەکان، و ئامادەیی خوەیان ئەرا گشت شیوەیل هاوکاری ئەرا سەرکەفتن ئی تەقەلایلە نشان دان، و رێککەفتن وەگەرد گرنگی هەسی میکانیزمیگ و چوارچیوەیگ هاوبەش و هاوکاری و هەماهەنگی لەناونی گشت هێز ولایەنە سیاسیەکان.