شەفەق نیوز/ به‌ش زەویلەرزە لە وەزارەت گواستنەوی عراق، ئمڕوو یەکشەممە، راگەیان ؛ زەویلەرزەیگ وەهێزی ٣.٥ لەبان پەیمانەی ریختەر لە باشوور خوەرئاوای شار مەنەلی داس.
لە بەیاننامەیگ رەسیە ئاژانس شەفەق نیوز هاتیه؛ رەوانگەیل زەویلەرزە، لە شەوکی ئمڕوو یەکشەممە ٣١/٥/٢٠٢٠ لە ساعەت ٧:٠٦:٠٧ وەوەخت ناوخۆیی، زەویلەرزەیگ تۆمارکرد وە هێزی ٣،٥ لەبان پەیمانەی ریختەر. ودیاری کرد ک زەویلەرزەگە لە باشوور خوەرئاوای شار مەنەلی بوی، وهاووڵاتیەیل شارەگە هەست وەپی کردن.
وداوا لە خەڵکەگە کرد، ک هوشدار ومقەیەت بوون لە پڕۆپاگندەو خه‌وەر دروکانی، وپابەندبوون وە تەمەیل زەویلەرزەیی ک لە دەزگای گشتی كەشوهەوا ورەوانگەی زەویلەرزە دەرچگە.