شەفەق نیوز/ وه‌ز و وه‌زیات کار و زنه‌ی ده ئێران ئێقه‌ره گه‌نه‌و بییه ک دی "چل له سه‌د" بنه‌ماڵه‌یل ئێرانی، توانای پاشده‌سی کردن و پۊل ئه‌ڵگرتن ئه‌ڕا بانان نه‌دیرن.
له ئامارێ ک ئیسپا له ئه‌ڵسه‌نگانن بۊڕه‌ی (نظر) مه‌ردم ده‌رهاتگه‌سه‌‌ی ده‌ر، وه‌یچۊنه دیار ده‌ێ ک ئێسه زنه‌ی و عیشه‌ت کردن ده ئێران، هه بییه‌سه نان‌زگ و هه‌ر که‌س ئه‌ر بتوانێ تێر و پڕ زگ خوه‌ی و بنه‌ماڵه‌ی بکه‌ێ و رووژگار بوه‌ێگه سه‌ر و له ورسی یا بێ‌‌ماڵی نه‌مرێ، چمان هونه‌ر کردگه و قه‌وڵ جاران وتنه‌نی "منێ که‌لێ وه گورمچه کوشتگه".