شەفەق نیوز/ وەگورەی نووترین ریزبەندی بڵاوکریاگ (وێبۆمەتریک) ئەرا ئاست زانکۆگان، زانکۆی سلێمانی پلەی یەکەم وە دەسهاورد لەبان ئاست هەرێم کوردستان و پلەی سێیەمیش وەبان ئاست عراق وەدەسهاورد.  

سەرۆک زانکۆی سلێمانی وە دەسهاوردن ئەو دوو پلە گلەودا ئەرا " تەقەلا و شەکەت بوین و توێژینەوە ئاست بەرزەیل مامۆستایەیل زانکۆی سلێمانی" و لە بەیاننامیگ داوا لە مامۆستایەیل کەێد فرەتر تەقەلای رەسانن خوەنەوارەیل و نواخستن زانکۆگە بیەن"، وتیش: " بایەت زانکۆ جویر ناوەندیگ گرنگ ئەکادیمی لەری زانست و توێژینەوە پەیوەندی راستەوخۆ وەگەرد کۆمەڵگە بیاشتوود".