شەفەق نیوز/ جوور فیلمە رخبەرە هۆڵیۆدیەگان، بەشیگ زەوی لە هەرێم کوردستان، ئەرا دەیان ساڵە مەردم وەنزیکی نێکەفن، لە رخیان لەبان ژیان خیزان و کەسوکاریان، و ناسریاگە وە زەوی (ژن مردگ)، ک داتیشتوەگان رەشبینی لەلی کەن، و نێکاڵنەی، چوونکە باوەڕیگ لەلایان پەیا بویە ک هەرکەسیگ ئەو کارە بکەێد هاوسەرەکەی لەدەس دەێد.
ئی زەویە ک هالە ناوڕاس سەدان دۆنەم لە زەویەیل کاڵیاگ لە بان کویەی زیبار لە ناحیەی دێرلوک لە قەزای عمادیە لە باشوور دهۆک، ئەرا زیاتر لە ١٠٠ ساڵە نەکاڵیاگە.
ئیبراهیم سەعید موختار ئاوای هاریکا ئەرا ئاژانس شەفەق نیوز ئووشێد: ئی رووبەرە لەزەوی قەت نێکاڵیمنەی، یەک ترسیگ لەلی دیریمن، و ئی ترسه لە مەتەڵەیلیگ ک مەردمەگە نەوە لە شوون نەوە باسی کردنە، ک ئی زەویە رخبەرە.
ومەزەنە باوەگە لەلای دانیشتوەیل ناحیەگە ئەوەسە ک هەرکەسێک ئی زەویە وەکاربارێد تووش نەهامەتییگ تیەێد یا وە سەقەتیبگ لە لەشی یا کەسیگ لە خیزانەگەی مرێد.
ساڵح سەعید یەکیگە لەەمچەرمگەیل ئاوایەگە ئەرا ئاژانس شەفەق نیوز باس کەێد لە ئەو مەتەڵەیلە ک لەبان ئی زەوی کشتوکاڵیە باس کریانە ، ئووشن ئی زەویە ماڵ کەسیگ هەژار بویە و یەکیگ لە ئەقتاعیەگان وەزوور دەسناسە بانی، ئەراوە هەرکەسیگ بکاڵیدەی تووش لەعنەت تیەێد.
هەمیش ئووشێد: ئووشن دوو گەنج لەی ئاوایە بی سەروشوون بوین و دی نەهاتنەو، و مەردمەگە مەزەنە کەن ک زەویەگە مەوەکڵ هاناوی، وقسەیگیش هەس ئووشێد ک یەک کشاورزیگ هەفت کەس لە خیزانەگەی مردن چوونکە هەفت ساڵ ئی زەویە کاڵی.
رخمان چوود نزیک ئی زەویە بویمن یا لەناوی ری بکەیمن، سەعید وەیجوورە ئووشێد.
خەلیل حاجی حەمید یەکیگە لە خەڵک ئاوایەگە، ناو (ژن مردگ) بڕیەسە باڵای زەویەگە، و ئووشێد؛ کەس نێکاڵێدەی لە رخ ئەوەگ ژنی یا یەکیگ لە کەسوکارەیلی بمرێد.
هەرچەگ قسەو چیرۆکەگان بوون، ک ئیجوور هەڵوێستیگ لە باوەڕی خەڵک ئاوایەگان دویر نیە، تایبەت ئەو ئاوایەیلە ک لە شارەگانەو دویرن، و فرە باس لە رووداوەیلیگ کەن ک ماڵەیل وبووسانەیل وەجی هیلیاگە لە رخ ئیجوور کەلتووریگ.
ئی زەویە ک هالە ناوڕاس سەدان دۆنەم لە زەویەیل کاڵیاگ لە بان کویەی زیبار لە ناحیەی دێرلوک لە قەزای عمادیە لە باشوور دهۆک، ئەرا زیاتر لە ١٠٠ ساڵە نەکاڵیاگە.
ئیبراهیم سەعید موختار ئاوای هاریکا ئەرا ئاژانس شەفەق نیوز ئووشێد: ئی رووبەرە لەزەوی قەت نێکاڵیمنەی، یەک ترسیگ لەلی دیریمن، و ئی ترسه لە مەتەڵەیلیگ ک مەردمەگە نەوە لە شوون نەوە باسی کردنە، ک ئی زەویە رخبەرە.
ومەزەنە باوەگە لەلای دانیشتوەیل ناحیەگە ئەوەسە ک هەرکەسێک ئی زەویە وەکاربارێد تووش نەهامەتییگ تیەێد یا وە سەقەتیبگ لە لەشی یا کەسیگ لە خیزانەگەی مرێد.
ساڵح سەعید یەکیگە لەەمچەرمگەیل ئاوایەگە ئەرا ئاژانس شەفەق نیوز باس کەێد لە ئەو مەتەڵەیلە ک لەبان ئی زەوی کشتوکاڵیە باس کریانە ، ئووشن ئی زەویە ماڵ کەسیگ هەژار بویە و یەکیگ لە ئەقتاعیەگان وەزوور دەسناسە بانی، ئەراوە هەرکەسیگ بکاڵیدەی تووش لەعنەت تیەێد.
هەمیش ئووشێد: ئووشن دوو گەنج لەی ئاوایە بی سەروشوون بوین و دی نەهاتنەو، و مەردمەگە مەزەنە کەن ک زەویەگە مەوەکڵ هاناوی، وقسەیگیش هەس ئووشێد ک یەک کشاورزیگ هەفت کەس لە خیزانەگەی مردن چوونکە هەفت ساڵ ئی زەویە کاڵی.
رخمان چوود نزیک ئی زەویە بویمن یا لەناوی ری بکەیمن، سەعید وەیجوورە ئووشێد.
خەلیل حاجی حەمید یەکیگە لە خەڵک ئاوایەگە، ناو (ژن مردگ) بڕیەسە باڵای زەویەگە، و ئووشێد؛ کەس نێکاڵێدەی لە رخ ئەوەگ ژنی یا یەکیگ لە کەسوکارەیلی بمرێد.
هەرچەگ قسەو چیرۆکەگان بوون، ک ئیجوور هەڵوێستیگ لە باوەڕی خەڵک ئاوایەگان دویر نیە، تایبەت ئەو ئاوایەیلە ک لە شارەگانەو دویرن، و فرە باس لە رووداوەیلیگ کەن ک ماڵەیل وبووسانەیل وەجی هیلیاگە لە رخ ئیجوور کەلتووریگ.