شەفەق نیوز/ وەزارەتە گواستنەوەی عراق، ئمڕوو چوارشەممە، خەوەردا لە توومارکردن زەویلەرزەیگ نزیک شەقڵاوە لە پارێزگای هەولێر.

وەزارەتەگە لە بەیاننامەیگ رەسیە ئاژانس شەفەق نیوز وت: روانگەیا زەویلەرزە لە دەزگای گشتی کەشناسی و زەویلەرزەناسی زەویلەرزەیگ وەدویری 25 کم لە شەقڵاوە - پارێزگای هەولێر توومار کردن.

وتیش: زەویلەرزەگە لە ساعەت ‎04:11:22 ئیوارەی ئمڕوو توومار کریا، و تونیەگەی رەسیە  ( 3.1 ) پلە، وتیش: خەڵکەگە لەو ناوچە لە لەرزەگە ئاگادار نەوین.