شەفەق نیوز/ دەسەی کەشناسی و زەویلەرزەناسی، ئمڕوو جمعە، خەوەردا لە توومارکردن زەویلەرزەیگ لە باکوور خوەرهەڵات قەزای پێنجوێن لە پارێزگای سلێمانی.

  دەسەگە لە راپۆرتەگەی وت: روانگەیل زەویلەرزە، شەوەکی ئمڕوو، زەویلەرزەیگ وەدویری نزیکەی 4کم وەرەو باکوور خوەرهەڵات قەزای پێنجوێن توومار کردن.

 وەگورەی راپۆرتەگە، هاز زەویلەرزەگە رەسیە (3,9) پلە لەبان پەیمانەی ریختەر، وتیش: خەڵک ئەو ناوچە لەلی ئاگادار بوین، و راپۆرتیگ لەباوەت زەرەد گیانی و مادی نەڕەسیە.