شەفەق نیوز/ شارەزای مژار کەشناسی و زەویلەرزەناسی، سیروان ساڵح، ئمڕوو سێشەممە، راگەیان شەوەکی ئمڕوو شەشەم زەویلەرزە داد لە نزیک شار کەلار.

سیروان لە پۆستیگ لەبان تووڕ کۆمەڵایەتی "فەیسبوک" راگەیان،  ساعەت 09:07 شەوەکی ئمڕوو سێشەممە، زەویلەرزەی ترەک لە ناوەین   کەلار و قۆرەتوو رویدا.

دیاریکرد، قوڵتیسەی زەویلەرزەگە لە ئاوای بانزەمین سەر وە قەزای کەلار بویە وە هاز  2.8 پلەی رێختەر، لە قویلی هەشت کیلومەتر لەژیر زەوی و دویری هەفت کیلومەتر لە سەنتەر قازای کەلار رویدا.

یە لەوەختیگ کە ساعەت  11:53 دویەشەو زەویلەرزەیگ وە هاز   4.2 پلە وە پای پەیمانەی رێختەر لە سنوور ناوەین عراق ئیران لە قەزای خانەقین رویدا.