شەفەق نیوز/ وەڕێوەبەر گشتی فەرمانگەی پزیشک دادوەری دکتۆر زەێد عەلی عەباس، ئمڕوو پەنجشەممە، راگەیان روفات 32 قوربانی لە ئێزییەیل دریاسە دەس کەسوکارەیلیان لەدویای تەواوبوین کارەیل دووپاتکردن لە ناسنامەیان لەری ئەنجام وشکنینەیل تایوەت.
لە کۆنگرەیگ رووژنامەوانی هاوبەش کە بەغدای پایتەخت ئەنجامدریا وەگەرد زیا کەریم، وەڕێوەبەر کاروبار و پاراستن قەورە ە کۆمەڵەیل سەر وە دەزگای شەهیدەیل عراق، و نوێنەر کەسوکار قوربانە ئێزیدیەیل شێخ نایف ئەرا راگەیانن بەش یەکەم لە روفات قوربانیەیل خەڵک قەزای شنگال کە شمارەیان 32 قوربانیە و وەبان دەس ئەندامەیل رێکخریاگ داعش گیان لەدەسدانە.
شێخ نایف لە کۆنگرەگە وت:"خوەزەو تەقەلا بدرێد ئەرا دروسکردن مۆنۆمێنتیگ ئەرا قوربانیەیل قەزای شەنگال" دیاریکرد "ئیمە هەماهەنگی کردیمنە وەگەرد لایەنە پەیوەنیدارەیل ئەرا زوی وەریوەچگن رێکارەیل رەسین نموونە وشکینەیل وە کەسوکار قوربانیەیل ترەک ئەرا بەغدا و راگەیانن ئەنجامەگەی لەنوای مەردم و دەزگایەیل راگەیانن".
وتیش؛ " لە ئایندە رادەسکردن بەشیگ ترەک لە روفاتەیل راگەێنیمن".