شەفەق نيوز- كەركوك
سەرچەوەیگ ئەمنی، شەو پەنجشەممە، خەوەردا نە بڕیگ لە جفتیارەیل کورد تویش پەلاماریگ چەکدار هاتن لەناو ئاواییگ سەروە ناحیەی ئاڵتوون کوپری باکوور خوەرئاوای کەرکوک، کە بویە مدوو زەخمداری یەکیگیان و رفانن ئەوەکە.
سەرچەوەگە ئەرا ئاژانس شەفەق نیوز وت: چەکدارەیلیگ نەناسیای وە دڵنگ سەربازی پەلامار ئەو جفتیارەیلە دانە مەوقەی کارکردنیان لەناو زەوییگ کشتوکاڵی لە ناحیەی ئاڵتوون کوپری، کە یەکیگیان زەخمدار بوی.
وتیش: چەکدارەیل جفتیاریگ ترەک رفانن و وەرەو شوین نادیاریگ چگن، وتیش: هیزەیل ئەمنی لەو ناوە بڵاو بوین و دەسکردن وە وەشکین فراوانیگ و زەخمدارەگە ئەرا خەسەخانە بریا.