شەفەق نیوز ـ هەڵەبجە
شەوەکی ئمڕوو پەنجشەممە، دوو کەس تویش زەخمداری هاتن وە تەقیان مینیگ دروسکریاگ ناوخوەیی کە ئەرا راوەماسی وەکارهاوریاس، لە ناوچەی"گوڵێ" لە پارێزگای هەڵەبجە، رویداوەگە دڵڕەواکی دروسکرد لەبان وەردەوام وەکارهاوردن مادەیل قەیەغەکریاگ، هەرچەنە راواوکردن نایاسایی لە هەرێم کوردستان قەیەغەکریاس.
سەرچەوەیگ پزیشکی لە خەستەخانەی فریاکەفتن هەلەبجە وە ئاژانس شەفەق نیوز وت، "چوارکەس بۆمب ناوخوەیی وەکارهاوردنە ئەرا راوەماسی لە چەم ناوچەی گوڵێ، و یەکیگ لە بۆمبەیل تەقیەسەو بویەسە مدوو زەخمداری دوو کەس".
سەرچەوەگە ئاشکرایکرد "زەخمدارەیل راستەوخوەی ئەرا خەستەخانەی فریاکەفتن هەلەبجە کلکریانە و چارەسەر پزیشکی گونجیاگ وەرگردنە ئیرنگە تەندروسیان جیگیرە".