شەفەق نیوز/ سەرچەوەیگ ئەمنی لە دهۆک، ئمڕوو یەکشەممە، خەوەردا لە زەخمداری ئەندامیگ لە هیزەیل پیشمەرگە، لە ئەنجام پەلاماریگ وەلایەن فڕۆکەیگ بێفڕۆکەوان باکوور شار زاخۆ لەبان سنوور تورکیا.
سەرچەوەگە ئەرا ئاژانس شەفەق نیوز دیاری کرد کە رویداوەگە لە ناوچەی زيريزە بوی، کە درۆن ماشینیگ تایبەت کردە ئامانج، پیشمەرگەیگ لەناوی بویە، مەوقەی گلەوخواردنی لە ئەرک سەربازی.
پەلامارەگە بویە هوکار زەخمداری ئەو پیشمەرگە، و ئەرا خەسەخانە بریا.
سەرچەوەگە وتیش: لایەنەیل پەیوەندیدار دەسکردنە لێکۆڵینەوە لە رویداوەگە ئەرا رەسین وە بندروسی و ئەو لایەنە کە لەو پەلامارە وەرپرسە.
تا ئیسە هویچ لایەنیگ وەرپرسیارێتی خوەی لەو پەلامارە ئاشکرا نەکردیە، و هویچ لایەنیگ خوەی نەکردیەسە خاوەن پەلامارەگە.
سەرچەوەیل وتن: ری سەرەکی ناوەین قەزای باتيفا و ناحیەی کانی ماسی سنووری وەرد تورکیا وەشیوەیگ وەختانە لەبان رویداوەگە بەسیا.