شەفەق نیوز/ سەرچەوەیگ ناوخوەیی لە پارێزگای دهۆک، ئمڕوو شەممە، خەوەردا لە زەخمداری ٢٠ کراکار لە ئەنجام پلیان ماشینەگەیان لە قەزای ئاکرێ.
سەرچەوەگە ئەرا ئاژانس شەفەق نیوز وت: پاسیگ مارکەی کۆستەر، ٢٤ کراکار بووسانەیل پەتاتە لەناوی بوین، وەرجە نیمەڕو ئمڕوو، پلیا ناو دووڵیگ لە قەزای ئاکرێ.
وتیش؛ رویداوەگە بویە هوکار زەخمداری ٢٠ کراکار زاڕوویش هاناویان، و ئەرا چارەسەری لە خەسەخانە بریان.