شەفەق نیوز/ مرافەیگ کۆمەڵگایی، نیمەڕو ئمڕوو شەممە، لە ناحیەی تانجەرۆ لە پارێزگای سلێمانی، بویە هووکار زەخمداری دوو گەنج، یەکیگیان زەخمی سەختە.  

باکۆ محمد برای دوو گەنجەگە ئەرا ئاژانس شەفەق نیوز وت: لەوەر قومیان مرافەیگ کۆمەڵایەتی ناوبەین دوو براگەم و گەنجیگ تر لە ناوچەگەمان، دوو برقەگەم تویش گولە هاتن.  

لە هویردەکاریەیل رویداوەگە باکۆ وت: دویای ئەو مرافە ک نزیک ساعەت یانزە ونیم شەوەکی قومیا، براگەم چی تا چشتیگ لە یەکیگ لە دوکانەیل گەڕەکەگە بسینێد، وهەنای رەسیە ئەولا، ماشینیگ جام پووشیاگ نوایان گرد، وکەسیگ چەکدار لەناوی بوی، نەتوەنست بناسنەی، تەقە لە هەردوگ براگەم کرد، وتیش: زەخمەیل یەکیگیان سەختە چوینکە گولەگە لەسەری دریاگە، وئەوەکە زەخمەگەی سووکە و چارەسەری لە خەسەخانە کریا، وئیسە خاسە.   

محمد وتیش: سکاڵای دادوەری لەلای پۆلیس ناوچەگە توومار کردنە، وچەوەڕی ئەنجامەیل لێکۆڵینەوە کەن.