شەفەق نیوز/ وەزارەت داد لە حکومەت هەرێم کوردستان، ئمڕوو سێشەممە، راگەیان لەماوەی ساڵ 2024 زیاتر لە یەک ملیۆن مامەڵە لە بەرژەوەنی هاوڵاتیەیل گشت هەرێم تەواوکریاس، لەرێ دادگا و فەرمانگەیل دادوەری جیاوازەیل.

وەزارەت داد لە بەیانننامەیگ فەرمی ئاژانس شەفەق نیوز چەوی وەپی کەفت وت، "لەماوەی دیاریکریاگ  2 كانون دویەم  2024 تا 30 تشرين دویەم 2024 یەک مليۆن و108 هەزار و842 مامەلە لە گشت دادگایەیل و فەرمانگەیل دادوەری پارێزگایەیل هەرێم کوردستان تەواوکریاس".

 وەزارەتەگە دیاریکرد "یە وابان شمارەیگ پارێزگا و ناوچە بەشەو بوود، کە دادگای بەڵگەیی یەکەم لە هەولێر  بەرزترین شمارەس وە  601 هەزار و279 مامەڵە، لەدویای دادگای سلێمانی وە دویەم تێد وە ـ286 هەزار و871 مامەلە. و دادگای دهۆک  150 هەزار و725 مامەلە، دادگای هەلەبجە  7 هەزار و985 مامەلە ئەنجامدانە".

وتیش "لە قەزا و ناحیەیل ترەک ناوچەی راپەرین 32 هەزار  و623 مامەلە، ناوچەی سۆران 16 هەزار و88 مامەڵە، و قەزای کۆیە 13 هەزار و271 مامەلە".

وەزارەتەگە وتیش "دادگایەیل لەو ماوە 4 هەزار و  و343 دۆسیەی دادگایی ئەنجامدانە،  22 هەزار و630 دۆسیەی نوو وازکردنە "، دیاریکرد "چارەسەر 12 هەزار و 488 مامەلە لە ئیدارەیل توومارەیل خانوبەرەی پارێزگای هەولێر و سلێمانی و دهۆک و ناوچە سەر وەخوەیەیل کردنە".

 داد کوردستان دووپاتکرد "وەڕێوەبەرایەتی گشتی دادگایەیل وە یەکیگ لە گرنگترین وەڕێوەبەرایەتیەل وەزارەتەگە دانرێد، وەپای یاسای شمارە   13 ساڵ 2007 کارکەێد کە لە پەرلەمان هەرێم کوردستان دەرچگە".