شەفەق نیوز/ بڕیارە لە ١٤ی تەشرین دویەم، وە چالاکیەیل رەنگاوڕەگ لە مەکتەو و دامودەزگایل حکومەتی، ئاهەنگ ٢٣٨ ساڵیاد دامەزرانن شار سلێمانی بکریەێد.

لە گشت ساڵیگ لە ١٤ تەشرین دویەم، وە بڕیگ چالاکی ئاهەنگ رووژ سلێمانی کریەێد، و مەردمەگە وە دڵنگ کوردی لە دامودەزگایل حکومەتی و مەکتەوەیل پیشوازی لەی رووژە کەن.

وەڕیەوبەرایەتی پەروەردەی پارێزگای سلێمانی لە بەیاننامەیگ رەسیە ئاژانس شەفەق نیوز وت: وە بوونەی ٢٣٨مین ساڵیاد دامەزرانن سلێمانی، رووژ دووشەممەی ئایندە، خوەشمان تیەێد ئاگاداردان بکەێنن ک بایەتە لە گشت مەکتەوەیل پارێزگاگە ئاهەنگ وەی رووژە بکریەێد، و وەشیوەی خاسیگ ئامادەکاری ئەرای بکریەێد.

پارەکە، لە ٢٠٢١، ئەنجومەن پارێزگای سلێمانی بڕیار دا ١٤ی تەشرین دویەم بوودە رووژ سلێمانی.

شار سلێمانی لە ١٤ی تەشرین دویەم ١٧٨٤ وەلایەن ئیبراهیم پاشا شازادەی بابان دامەزرانەی، ک مەحمود پاشای مامەی لەساڵ ١١٩٦ کووچی لەبان سنوور گەڕەک مەڵکەندی بینای کرد.

ئیبراهیم پاشا ناو سلیمان پاشای باوگی بڕیە بان شارەگە، و بویە ئیمبراتۆریەت بابان، و دویای رمیانی لە ساڵ ١٨٥٩، و ویرانکردن ئیمبراتۆریەت عوسمانی لە جەنگ جەهانی یەکەم کەفتە ناو کۆمار عراق.