پەیامنێر ئاژانس شەفەق نیوز وت، "هەڵمەتەگە وە لایەن رێکخریاگەگە رێکخریاس ئەرا یەکگ لە کۆمەڵگەیل نیشتەجیبوین لە ناوچەی بنەسڵاوە لە دەوروگەرد پارێزگای هەولێر".

هندرێن غازی وەرپرس پرۆژەی ژینگە لە دەزگاگە وە ئاژانس شەفەق نیوز وت؛ "ئێ چالاکیە لە چوارچمگ پرۆژەی (دارسانەیل روانگە)س کە لە ساڵ 2022 دامەزریاگە، لە زانکۆی موسڵ دەسوەپی کرد گوازیا ئەرا پارێزگایەیل وزانکۆیەیل ترەک لە عراق، تا ئیسە  364 هەزار و500 دار کاڵیاگە".

وتیش، "پرۆژەگەی ئمڕوو کاڵین هەزار دار گرێدە خوەی لە جویر "سیسم" کە لە هەر چوار وەرز ساڵ توەنرێد بکاڵێد و وەگەرد بەرزەوبوین پلەی گەرمی گەشە کەێد".

لە باوەت گرنگی پرۆژەگە کە گرنگیدانە وە ژینگە رووشنیکرد، "عراق یەکگە لەو پەنج وڵاتەیلە کە زیاترین کاریگەری ئاڵشتبوین کەشوهەوا   لەبانیە لەبان ئاست جەهان و ری بەڕەنگاربوینەوەی  یەکەم لەری کالین دار و ریگەی دویەم پشت بەسین وە وزەی دوارەوبویەس".