شەفەق نیوز/ دامەزراو روانگە، ئمڕوو دووشەممە، بەشەوکردن 16 هەزار سەوەتەی خوەراک ئەرا خیزانە کەمدەسەیل لە هەڵەبجە راگەیان.

روانگە لە بەیاننامەیگ رەسیە ئاژانس شەفەق نیوز وت: لە چوارچیوەی هەڵمەت مرۆییر دامەزراوەگە دەسکردە بەشەوکردن 16,000 سەوەتەی خوەراک ئەرا خیزانە کەمدەسەیل لە پارێزگای هەڵەبجە.

وتیش: ئەو هەڵمەتە پیشکەشکردن دەسمیەتی خوەراکی سەرەکی ئەرا خیزانە کەمدەسەیل لە ناوچەگە کەێدە ئامانج، مە وە ئامادەبوین نوێنەرەیل دامەزراوەگە بەشەو کریان.

 دووپاتیش کرد کە هەڵمەتەگە وەردەوامە، و ئەوەسا ناوچەیل فرەیگ لە هەرێم کوردستان گرێدەو، ئەرا دڵنیایی لە رەسین دەسمیەتیەیل ئەرا گەورەترین شمارە لە خیزانە کەمدەسەیل.

ریخریاگ ڕوانگە و لایەنەیل پاڵپشتیکردن، وەردەوامن لە تەقەلایل ئەرا مسۆگەرکردن وەردەوامی بەشەوکردن دەسمیەتیەیل خوەراکی لە جویراجویر ناوچەیل هەرێم، وەگەرد دووپاتکردن لە گرنگی ئی کارەیلە لە پشتگیریکردن چینە نەدارەیل، و خاسەوکردن رەوشەیل ژیانگوزەرانییان.