شەفەق نیوز/ وەزارەت پەروەردەی هەرێم کوردستان، ئمڕوو دووشەممە، تەرخانکردن ٤٦ ونیم ملیار دینار راگەیان ئەرا تەواوکردن ئەو پڕۆژەیلە ک تەواو نەکریانە، و هەمیش دووارە نووڕستن ئەرا ٧٥ کتاو مەکتەو راگەیان.
ئالان حەمە سەعید لە بەیاننامیگ رەسیە ئاژانس شەفەق نیوز وت: ٦٠ هەزار و ٩٩٢ مامووستا و فەرمانبەر لە جویراجویر چینەیل خوەنەواری وئیدارە تەکنەلۆژیا راهێنان کردنە، وئەوەسا لە ٢٧ ئی مانگە تیمیگ بیانی تیەێدە کوردستان، و یەکەم گامەگە وە راهێنان ٥٠٠ مامووستا بوود.
وەزیر لە بەیاننامەگە وت: دووارە نووڕستن زانستی وزوانی وهونەری ئەرا ٣٥ کتا خوەنەواری کریا، وئیسەیش دووارە نووڕستن زانستی وزوانی و هونەری ئەرا ٤٠ کتاو مەکتەو کریا، وەگەرد دیزاینیان لەلایەن هووکارەکردن پیشەیی وەهەماهەنگی وەڕێەوبەرایەتی گشتی بەرنامە و وەڕێەوبەرایەتی گشتی خوەنەواری ناوەندی و پیشەیی.
وەزیر پەروەردە دیاری کرد ک شمارەیگ لە بینایل ساوایان ومەکتەوەیل نوو لە سەردەم ئی کابینەی حکومەتیە لە هەرێم کوردستان واز کریا، و ٤٦ ملیار و ٥٢٤ مەلیۆن دینار ئەرا تەواوکردن پڕۆژەیل تەرخان کریا، و سێ ملیار لەلی ئەرا بیناکردن ١٨٠ هۆڵ نوو لە مەکتەوەیل و ٢٠٠ مەکتەو وەهەماهەنگی دامەزراو خێرخوازی بارزانی تەواو کریا، و یەک مەلیۆن دینار لەلایەن دامەزراوەگە ئەرا خاسەوکردن تەرخان کریا.