شەفەق نیوز/ وەزارەت پەروەردەی هەرێم کوردستان، ئمڕوو شەممە، خەوەردا لە کەمەوکردن وەخت بەشە وانەیل وەگەرد دەسوەپیکردن دەوام لە رووژ یەکشەممە 24 مانگ ئادار و کۆتایهات وە پشووی نەوروز سەرساڵ کوردی.
قسەکەر وەزارەتەگە سامان سیوەیلی ئمڕوو لە بەیانامایگ وت، وەزیر پەروەردە بڕیاردایە وە ئاسانکردن لە دەوام لناو ناوەندەیل حکومی خوەنستن لەماوەی مانگ رەمەزان وەیجویرە:
1- ماوەی هەر وانەیگ (٣٠) خولەک بوود.
2. وەڕێوەبەرایەتی ناوەندەیل خوەنستن ئاسانکاری تەواوبکەن وەتایوەت ئەرا خانمە ماموسایەیل.
3-هەر وانەیگ لە دەوام ئیواران دە خولەک ئەرا هەر وانە کەمەوبکرێد، دەسڵات رێکخستن کارکردن ئیوارن لەماوەی مانگ رەمەزان درێدە دەس ناوەندەیل خوەنستن.