شەفەق نیوز/ ئالان حەمە سەعید وەزیر پەروەردە لە هەرێم کوردستان، ئمڕوو پەنجشەممە، توومارکردن زەخمداری لەناو فێرخوازەیل لە گورزەیل ئیران لەبان ناوچەیلیگ لە پارێزگایل هەولێر و سلێمانی راگەیان.
حەمە سەعید لە کۆنگرەیگ رووژنامەوانی لەناو بینای پەرلەمان کوردستان وت: ئیمە لە وەزارەت پەروەردە شەرمەزار ئی پەلامارەیلە لەبان هەر دامودەزگایگ پەروەردەیی یا لەبان مامووستا و مناڵەیل کەیمن، ودیاری کرد ک سیمایل دویەکە فرە نەهامەتی بوین.
دیاری کرد ک شمارەیگ لە فێرخوازەیل لەو گورزە زەخمدار بوین، وئیمە وەردەوامی لە پەیوەندی وەرد پەروەردەی قەزای کۆیە و پەروەردەی خوەرهەڵات سلێمانی دیریمن، و دویەکە لە نزیکەو چەودیری رەوشەیل کردیمن، و سوپاس ئەرا خودا ک هویچ فێرخوازیگ شەهید نەکەفت.
وەزیر پەروەردە دووپات کرد ک زەخمداری و زیڕەکردن لەناو فێرخوازەیل لەوەر تەقینەوەیل توومار کردیمن.