شەفەق نیوز/ وەڕێوەبەرایەتی هاتوچو گەرمیان، ئمڕوو چوارشەممە، راگەیان وە مدوو رویداویگ هاتوچوی لەبان ری کەلار و ناحیەی رزگاری سێ کەس زەخمداربوین.
وەڕێوەبەرایەتیەگە لە بەیانامەیگ راگەیان، " دویانیمەڕووی ئمڕوو سێ ماشین لە جویرەیل تۆیۆتا هایلۆکس و نیسان سێنترا و نیسان ئاڵتیما لەیەکەودانە وە مدوویەو سێ کەس زەخمداری بوی و یەکیگیان مناڵە و دوو لە زەخمدارەیل لە تۆیۆتا هایلۆکسەگە بوینە وەرد سەرنشینیگ نیسان ئاڵتیماگە، هەرسێ زەخمدار ئەرا خەسخانەی فریاکەفتن شەهید هەژار کلکریان.
دیاریکرد، رویداوەگە وەجویریگ بویە تۆیۆتا هایلۆکس وەئاراستەی ناحیەی ڕزگاری چگە نیسان ئاڵتیما و نیسان سێنترا لە ڕزگارییەو وەئاراستەی کەلار هاتنە، لە یوتێرن ناوەین کەلار ڕزگاری لەیەکەودانە.
ئاشکرایکرد، وەلایەن تیم هاتوچو لێکۆڵینەوە لە رویداوەگە دەسوەپیکردیە ئەرا زانین هووکار و چۆنیەتی رویداوەگە.