شەفەق نیوز ـ هەولێر/ کەرکوک

وەڕێوەبەرایەتی هاتوچو هەولێر، ئمڕوو یەکشەممە، راگەیان  رویداویگ هاتوچو لەبان جادەی 120 مەتری بەسەر وە ری هەولێر - مەخمور رویدا، کە بویە مدوو لەیەکداین 10 ماشین وە یەکتری و زەرەدیگ مادی گەپ، بیجگە لە توومارکردن 4 زەخمداری سووک.

وەپای راپۆرت هاتوچو هەولێر، رویداوەگە لە سەعاتەیل سەرەتای شەوەکی رویدا  هەنای بڕیگ لە هاووڵاتیەیل روی  لە دەوام فەرمیان کردن، وە مدوو  ئەوەگ یەکیگ لە رانندەیل دەس کرد وە "سەرکێشی و رانین نمایشکاری" لەبان جادەی باسکریاگ، بویە مدوو لە دەسدان کۆنترۆڵ ماشینەگەی و دروسکردن زنجیرە لەیەکەودانیگ کە 10 ماشین ترەک گردەو.

راپۆرتەگە دیاری کرد ئەرا ئامادەکردن نەخشەی هاتوچو و بەڵگەدارکردن هویردەکاری و هووکارەیل رویداوەگە، وە هەماهەنگی وەرد راپۆرت وەڕێوەبەرایەتی هاتوچو، تا لە دۆسیەیگ یاسایی تەواو گردەوبکریەێد و ئەرا دادوەر لێکۆڵینەوە کلبکریەێد تا  رێکارەیل یاسایی هەوەجەکریاگ بگیریەێدەوەر.

لە کەرکوک، رانندەیگ گیان لەدەسدا وە ددوو پلیان ماشینەگەی لەنوای نمایشگای ماشینەیل.

سەرچەوە ئەمنیەگە وە ئاژانس شەفەق نیوز وت:  رویداوەگە لە نزیک نمایشگای ماشینەیل لە کەرکوک رویدا، وە مدوو پلیان ماشینیگ کە پیایگ رانیەسێ و بویە مدوو مردنی لە شوین رویداوەگە.

وتیش؛ قوربانیەگە ناوی محەمەد عەبدولڵایە تەمەنی 44 ساڵە، و خەڵک بەغدای پایتەختە.