شەفەق نیوز/ قایمقام قەزای دەربەندیخان، سلێمان محمد، راگەیان کە دویەشەو سان لە کەژ کویە لە نزیک تونێل دەربەندیخان رمیاس، ئەوەیش لە ئەنجام ئەو وارانە رفتە کە لە هەرێم کوردستان واری.

محمد لە بەیاننامەیگ رەسیە ئاژانس شەفەق نیوز وت: ئەو سانەیلە کە کەفتنە، دەروازەی تونێلەگە تا چەن ساعەتیگ بەسانە، کە ئەرا بیوەیی مەردم وە تەواوی بەسیا.

وتیش: دوو گلە سان رمیاس، یەمەکەگە بەشیگ لە ریەگە بڕێد، و دویەمەگە وەتەواوی بەسادەی.

محمد وتیش: تیمەیل فریاکەفتن وەزوی رەسین، و توەنستن بەڕەیل هەڵگرن، و ریەگە لەنوای هامشووکەرەیل وە وەختیگ پەیمانەیی واز کردن.

لە هوشدارییگ لە ئەگەر دووارەوبوین رویداوەگە، محمد سلێمان وت: دەسەڵاتەیل ناوخوەیی وەگەرد لایەنەیل پەیوەندیدار کار ئەرا ئامادەکردن چارەسەری ئەندازیاری کەن تا ئیجویر رمیانیگ لە بانان روی نەێد، و مقیەتی ئی ری گرنگە بکەن کە ناوچەگە وە شارەیل شانیەو گریەدەێد.

جی باسە کە تونێل دەربەندیخان یەکیگە لە ریە سەرەکیەیل لە هەرێم کوردستان ئەرا هامشووکردن ناوەین چەن شاریگ.