شەفەق نیوز/ ئیدارەی گەرمیان، ئمڕوو چوارشەممە، راگەیان کۆنترۆڵ بیماری کولێرا و نواگیری لە بڵاوبوینی لە ناوچەیلتر کریایە، هەمیش دووپاتکرد هویچ تویشهاتنیگ یا مردنیگ وە بیماری تەو خوینوەربوین توومار نەکریایە.
وەڕیەوبەر تەندروسی گەرمیان سیروان جەمال وە ئاژانس شەفەق نیوز وت، بیماری کولێرا وە تەواوەتی کۆنترۆل کریایە ریگری لە بڵاوبوینی کریا وە رێکارەیل تونیگ و پەیوەندیدار وە هەماهەنگی دەسەیل تایبەت لە ئیدارەی ناوخوەیی.
سیروان وتیش، لە گەرمیان نزیکەی 10 تویشهاتن وە کولێرا توومارکریایە ک سەرجەمیان لە پارێزگایەیل سلێمانی و کەرکوک تویش هاتوین، و هویچ تویشبوینیگ لەناو ئیدارەی گەرمیان توومارنەکریایە، دووپاتکرد تا ئیسە هویچ تویشهاتنیگ وە تەو خوین وەربوین توومارنەکریا ئیدارەی گەرمیان چووڵە لەی بیماریە.
چۆمان ئەحمەد وەڕیەوبەر راگەیانن لە ئیدارەی گەرمیان وە ئاژانس شەفەق نیوز وت: لیژنەیل سەرەکی و لقەگان تایبەت وە شمارەیگ فەرمانگەیل پەیوەندیدار ئۆپراسیۆنیگ توومارکردن و چەودیریکردن ئەوزەڵکردن بیماری کولێرا ئەنجامدان لە ری سەردانیکردن مەیدانیانە و وەشکین لە گشت ناوچەیل گەرمیان.
وتیش، ئیدارەی گەرمیان وەدویاچگن کەێد ئەرا گشت رێکارەیل خوەیپارێزی لە بیماری کولێرا و گشت پەتایگتر ک بوونی هەس، دووپاتکرد هویچ رخیگ یان هەرەشەیگ تەندروسی بوونی نییە.