شەفەق نیوز/ وەڕێەوبەر گشتی کاروبار مین لە ئیدارەی گەرمیان، ئمڕوو جومعە، ئاشکەرایکرد، هەشت تەقیان مین توومارکریایە، سێ کەس بوینەسە قوربانی و پەنج کەسیش زەخمدارە.

جەلال شێخ جەعفەر وەڕێەوبەر کاروبار مین لە گەرمیان وە ئاژانس شەفەق نیوز وت، وەڕێەوبەرایەتیەگە ماشین تایبەت وەخوەی نەیرێد تا بتوەنێد خزمەت هاوڵاتیەیل بکەێد، ئیمە  18 ماشین خوازیمن، لە بنەڕەت ئیمە تەنیا یەک ماشین دیریمن و چواریش وە کرای گیردیمنە.

دیاریکرد حکومەت هەرێم کوردستان لە ری تەندەرەو ماشین ئەرا رێکخریاگەیل حکومی دابین کەێد، باوجی ماوەی سێ ساڵ ئی گرفتە وەردەوامە لە وەڕێەوبەرایەتی کاروبار مین گەرمیان وەلێ ماشین ئەرای دابین نەکریاگە.