شەفەق نیوز/ پەرلەمان هەرێم کوردستان، ئمڕوو دووشەممت، دەر کاندیدکردن ئەرا سەرۆکایەتی پەرلەمان واز کرد، باوجی وەشیوەیگ وەختانە دانیشنی هەڵگرد، لەوەر تەواونەوین شمارەی ئامادەبویەیل ئەرا ئاست یاسایی.

پەیامنێر ئاژانس شەفەق نیوز وت: ئمڕوو پەرلەمان دانیشتن یەکەمی ئەنجام دا، و دەر کاندیدکردن ئەرا سەرۆکایەتیی واز کرد، وەلێ لەوەر ئامادەنەوین بڕیگ لە نوێنەرەیل ئەرا دانیشتنەگە، شمارەی یاسایی تەواو نەوی، ئەراوە دانیشتنەگە وەشیوەیگ وەختانە هەڵگریا.

پەیامنێرمان وتیش: ئەگەر شمارەگە تەواو بوی دووارە دانیشتن کریەێد ئەرا هەڵوژاردن دەسەی سەرۆکایەتی، و دیاری کرد کە پارتی دوو کاندید پیشکەش کرد، کە هەرلە فالا فەرید، و هەڵگورد شێخ نەجیب بوین، و یەکێتی شاڵاو کۆسرەت رەسول جویر کاندید سەرۆکایەتی پەرلەمان پیشکەش کرد، وەگەرد کاندیدەیل ئەو فراکسیۆنەیل.

پەرلەمان هەرێم کوردستان، ئمڕوو یەکەم دانیشتنەیلی لە وەرز یاسادانان یەکەم لە خول نووی ئەنجام دا، وە ئامادەبوین وەرپرسەیل سیاسی و دیبلۆماسیەیل.