شەفەق نیوز/ سەرچەوەیگ ئەمنی، ئمڕوو سێشەممە، خەوەردا ک ماڵ سەرکردەیگ لە حەشد شەعبی کەفتە وەر پەلاماریگ وە وەشانن نارنجه‌كیگ، لە قەزای ئەبو خەسیب لە پارێزگای بەسرە.
سەرچەوەگە ئەرا ئاژانس شەفەق نیوز وت: ماڵ کەسیگ ك یاوەر فەرماندەی فەوجیگ لە حەشد شەعبیه ، کەفتە وەر پەلاماریگ وە نارنجەكیگ ، لە ناوچەی دۆرە ئوم زبالە لە قەزای ئەبو خەسیب لە باشوور پارێزگای بەسرە.
سەرچەوەگە دیاری کرد ک هێزە ئەمنیەگان لێکۆڵینەوە کردن لە رووداوەگە، وەبی باسکردن لە ووردەکارییگ تر و ناو ئامانج کریایەگە یا ئەو باڵە ک هاناوی لە حەشد، و پەلامارەگە بی زیان بیه.