شەفەق نیوز/ بڕیارە شاند حکومەت هەرێم کوردستان، ئمڕوو جمعە، گردەوبوینیگ وەرد حکومەت فیدڕاڵی لە بەغداد پایتەخت ئەنجام بەێد، لەباوەت مووچەی فەرمانبەرەیل.

پەیامنێر ئاژانس شەفەق نیوز وت: لە ساعەت یەک دویای نیمەڕو لە ماڵ فوئاد حسێن وەزیر دەیشت گردەو بوون، کە شاند حکومەت هەرێم نزیکەی 20 کەسە وە سەرۆکایەتی وەزیر دارایی کوردستان، و بڕیگ لە وەڕیەوبەرەیل وەزارەتەگە.

وتیش: لەی دیدارە باس مووچەی مانگ کانوون یەکەم  2024 و مووچەی ساڵ 2025 کریەێد.

ریشەی قەیران مووچە لە هەرێم کوردستان چوودەو ئەرا ساڵ 2014، هەنار ناکۆکی ناوەین حکومەت فیدراڵی لە بەغداد و حکومەت هەرێم کوردستان لەبان وەڕیەوبردن کاروبار نەفت و بودجە بەرزەو بوی، وەگەرد کاریگەریویل جەنگ داعش و داوەزیان نرخ نەفت و کاریگەرییەیل پەتای کۆڕۆنا.

بەغداد واز لە کلکردن بودجەی هەرێم هاورد، و حکومەت هەرێمیش وەڵامی دا وە هەناردەکردن نەفت وەشیوەی سەروەخوەیی، تا رەسیە شیواشیو لە میکانیزمەیل خەرجکردن مووچە، تا دەسکریا زنجیرەیگ لە دویاکەفتن و دیرکەفتن کەڵەکەبوی.

لەو وەختەو، بڕیگ تەقەلا ۆریە ئەرا پەیاکردن چارەسەریەیل ناوەین دوو لایەن، دیارترینیان ئەو ڕێککەفتنەیل داراییە کە بڕیار کلکردن بودجەی وەرانوەر پابەندی وە هەناردەی نەفت دریا، لەبان یەیش، وە تەواوی جیوەجی نەکریا.