شەفەق نیوز/ هەرچەن ک مەێن و مناێل هاتن چگن دە نامنی فرە لە شارەێل ئێران ئەڵگیریاگە و ئێران لە لا کورونا دیرێ وەراو خاسی دچوو،  وەوجوورە ک ئامارەێلە ددەنە نیشان ئیلام، کوت‌کوت هە دیرێ وەراو خراوی دچوو و هێمان هەشت شارستان ئی ئوستانە هانە نام هێڵ سوور کورونائی و سێ شارستانیش نارنجیین.

کەریمیان رەییس زانکو عولووم پزشکی ئیلام وتگە: تا ئێسە 53  هزار و 713 کەس کورونائییەو بینە ئوو دە ئی شەوانەرووژە ک چگ دوسەد و نەوەد و پەنج کورونائیێ تر دە ئوستان ئیلام کریانەسە دی ک چوار لەیان مردنە.

ئەوی وت: تا وە یەمە 934 ئیلامی لە بووت کورونا مردنە.