شەفەق نیوز/ وەزارەت تەندروسی لە هەرێم کوردستان، ئمڕوو چوارشەممە، دابینکردن دە ئامێر شووردن گورچگ راگەیان کە لایەن ئیران وەڕی قونسوڵخانەگەی لە هەرێم کلیان کردیە.
سامان بەرزنجی وەزیر تەندروسی لە هەرێم کوردستان، لە کۆنگرەیگ رووژنامەوانی ئاژانس شەفەق نیوز ئامادەی بوی وت: هەماهەنگی و هاوکارییگ هەمیشەیی ناوەین کۆمار ئیسلامی ئیران و وەزارەت تەندروسی لە هەرێم کوردستان هەس، ئەرا سوودگردن لە ئەزموونەیل تەندروسی ئیران.
بەرزنجی وتیش: ئمڕوو دە ئامێر ئەرا بیمارەیل گورچگ ئەرا هەرێم کوردستان هات، و ئەوەسا بەشیان کەیمنە بان بنکەیل تایبەت وەوە.
وەزیر وتیش: هاوکاری ناوەین هەردوگ لایەنەگە خاسە، و ئیران لە گیچەڵەیل تەندروسی فریگ دەسمیەتیمان دا، و بڕیگ لە ئامێر پزشکی و تیمەیل پسپۆڕ و دەرمان ئەراک بیمارەیل ئەرامان کل کرد.