شەفەق نیوز/ شەفەق ئمڕوو یەکشەممە، ئۆپراسیۆن ئەمنی هاوبەشیگ دەسکردەپی لە باکوور خوەهەڵات دیالە وەدریژایی سنورەگە وەل هەریم کوردستان، ئەرا وەشوون کەفتن ئەندامەیل ریخریاگ داعش.
بەیاننامەیگ لە حەشد ئمڕوو باسکرد؛ ئۆپراسیۆنەگە دەسکردەپی ئەرا وەشکنین و ماڵین باکوور خوەرهەڵات دیالە لە ناوچەیل باکوور خانەقین تا حاوی عوزێم لە خوەرهاڵات سامەڕا.
بەیاننامەگە وتیش: ئۆپراسیۆنەگە فەرماندەی ئۆپراسیۆنەگان حەشد لە دیالە بەشداری بویە و گەرد سوپای عراق، پۆلیس فیدڕاڵی، بەرسڤ زوینە، پۆلیس دیالە، وەپاڵپشتی فڕۆکەیل هێز ئاسمانی.
بەیاننامەگە هەمیش وت: ئۆپراسیۆنەگە ئەنجام دریا ئەرا پاڵپشتی ئاسایش وئارامی و ویران کردن حەشارگەیل تیرۆریسته‌یل، ودەسگیرکردن داواکریاگەیل و هەواڵەکردنان ئه‌را دادگا .
لەلای خوەییش لیوا روکن غەسان خالد عزی فەرماندەی ئۆپراسین دیالە وت: ئامانجەگە لەی ئۆپراسیۆنە ک شەفەق ئمڕوو دەسکردەپی، لەناوبردن شوونە شاریایەگان تیرۆریسته‌یله لە ناونی سنور دیالە وسەڵاحەدین و سنوور دیالە وکوردستان.
عزی ئەرا ئاژانس شەفەق نیوز وت: ئۆپراسیۆنەگە دەسکەێدەپی لە ناوچەیل باکوور خوەرهەڵات پارێزگاگە لە حەوز حەمرین تا رسێدە سنور ناحیەی عوزێم-سەڵاحەدین، و وە بەشداری کەرتە ئەمنیەگان لە سوپا و پۆلیس و حەشد شەعبی و فڕۆکەیل جەنگی و کەرتە پاڵپشتەگان لە رەنج ئەندازیاری و دژەتەقینەوە.