شەفەق نیوز/ ناوەند راگەیانن و چابکردن سەروە هەپەگە باڵە سەربازیەگەی پەکەکە، ئمڕوو شەممە، راگەیان کوشتن نزیکەی ١٠٠٠ سەرباز لە هێزە تورکەگان، و هەمیش کوشتن زیاتر لە ٢٠٠ جەنگاوەر لە گەریلا لەماوەی ئی ساڵە.
ناوەندەگە ئمڕوو راپۆرتیگ دەربارەی ئۆپراسیۆنە ئاسمانیەکان سوپای تورکی بڵاو کرد، و شکستهاوردنی لەلایەن گەریلا لە ناوچە کوردیەگان لە تورکیا و هەمیش لە هەرێم کوردستان لەماوەی ساڵ ٢٠٢٠.
ناوەندەگە باسکرد ک لەماوەی ساڵەگە ٩٤٦ سەرباز تورک وەرانوەر ٢٢٧ لە جەنگاوەرەیل پەکەکە کوشیانە، و ئاماژە کرد لە کوشتن دوو سەرباز لە هێزەیل پاسەوان سنووری عراق وە پەلاماریگ لەلایەن سوپای تورکیا.
راپۆرتەگە ئاماژە کرد ک ٢٤ مەدەنی گیانیان لەدەس دانە و چوار مناڵ و دوو ژن هاناویان، و ئاماژە کرد ک لە ساڵ ٢٠١٧ تا ئیسە ١٧٣ قوربانی لە هاووڵاتیبەیل هەرێم کوردستان لەوەر پەلامارە تورکیەگان مردنە.
وەگورەی راپۆرتەگە، هیزەیل هەپەگە ٣٩٣ چالاکی سەربازی جیوەجی کردگە فرەگەیان لە هەرێم کوردستان بویە وەرانوەر ٢٧٥ پەلامار ئاسمانی و ١٢٠ ئۆپراسیۆن سەربازی تورکی.