شەفەق نیوز/ سەرۆک حکومەت ناوخوەیی لە پارێزگای هەولێر، ئومێد خۆشناو، ئمڕوو یەکشەممە، ئەرا یەکەمجار لە شار هەولێر دەسوەکاربوین پڕۆژەی “رووناکی” ڕاگەیان، کە وەردەوامی کارەبا لە گشت ناوچە و گەڕەکەیل ناوەند شار و دەورگردی گرێدەو.

 خۆشناو لە بەیاننامەیگ  ئەرا رووژنامەنویسەیل وت کە پەیامنێر ئاژانس شەفەق نیوزیش لەناویان بوی:  پڕۆژەگە لە هەولێر دەسوەپی کرد و دوو گەڕەک کارەبای تەواو وەپییان دریا، وتیش: نرخ یەکەیل وزە لەی پڕۆژە کەمترە لە خەرج جارانی مۆلیدەی تایبەت و کارەبای نیشتمانی.

 دیاری کرد کە بەرهەمهاوردن کارەبا لە هەولێر زیاتره له چەو ساڵەیل گوزەشتە، هەرچەن  یە چەن ساڵیگە تاقیکردن ئەرا دیاریکردن خوازیاگ ئەرا کارەبا لە هەرێم.

 خۆشناو  وتیش: "ئیمە لە هەولێر خوەمان وە بیبەش زانیمن، چوینکە نزیکەی دوو ساعەت کەمتر کارەبا دیریمن لە چەو ئەو پارێزگایل هەرێم"، وتیش: وەگەرد ئەوەیش، تا ئەو رادە کە توەنیمن دەسکردیمنە پڕۆژەی "رووناکی" و لە گامەیل ئایندە چوار گەڕەک ترەک خریەنە ناو پڕۆژەگە.

 وەگورەی دویاترین ئاگاداری وەزارەت کارەبا و وەرێوەبەرایەتی گشتی کارەبای هەولێر، ئیسە تیمەیل پڕۆژەی “رووناکی” دەسکردنەسە جیوەجیکردن ریکارەیل ئەرا بەشەوکردن کارەبای نیشتمانی 24 ساعەت لە رووژیگ لە ئاستە بەرزەیلی لە گەڕەکەیل “32 پارک” و “بەختیاری”. .