شەفەق نیوز/ وەڕێوبەرایەتی چاکسازی سەر وە وەزارەت کاروبار کۆمەڵایەتی و کار لە هەرێم کوردستان، ئمڕوو چوارشەممە، راگەیان سیستم "مووڵەت ماڵەوە" جیوەجی کریایە وەشیوەی وەختانە ئەرا 278 زیندانی وە کەفالە لەماوەی ساڵ 2023، ئیەش یەکەم جارە جیوەجی بکرێدلەبان ئاست ناوچەگە.
مووڵەت ئاسایی ماڵەو لە چاکسازیەیل هەرێم ئەوەسانێ یەکیگ لە ئەندامەیل خیزان خیندانیەگە وە بڕە پویلیگ پشتگیری زیندانیەگە کەێد لەوەرانوەر ئازادبوینی، مەرجەگەی ئەوەس ئەوەگ پشتگیریەگە کردیە ماوەی سزاگە تەواو بکەێد ئەگەر هاتوو زیندانیەگە دیار نەما یان مرد یان لە زیندان وای.
وەڕێوەبەر گشتی چاکسازی هەرێم ئیحسان عەبدولرەحمان لە کۆنگرەیگ رووژنامەوانیەگەی ئمڕوو وت، جەم شمارەی سزادریاگەیل کە کار کراکاری پاکەوکردن و لە مژار بازرگانی کارکەن لەناو چاکسازیەیل رەسیەس ئەرا 599 زیندانی.
وتیش، ئەرا یەکەمینجارە لەبان ئاست هەرێم کوردستان و ئەو پارێزگایەیل ترەک عراق و ناوچە گلەوخوارد ئەرا ماڵ یا "موولەت ماڵەوە" جیوەجی کرێد، لەماوەی ساڵ وەرین 287 کەس وە وەکالە ئەرا ماڵ کلکریانە.